„ტრანსფორმაციის 25 წელი - აღმოსავლეთ ევროპა და საქართველო“- წარმოადგენს სალექციო კურსების სერიას, რომელზეც დასწრების სურვილი 250 სტუდენტმა გამოთქვა. შერჩეულ 80 მათგანს ცენტრალური ევროპის უნივერსიტეტის დოქტორანტი ლელა რეხვიაშვილი 15, 16, 17 და 18 დეკემბერს, თსუ-ს მაღლივი კორპუსის 206-ე აუდიტორიაში, 15:00-დან 17:00-საათამდე ლექციებს ჩაუტარებს.

სალექციო კურსების სერია ხორციელდება ინფორმაციის თავისუფლების განვითარების ინსტიტუტის (IDFI), ივანე ჯავახიშვილის სახელობის თბილისის სახელმწიფო 

უნივერსიტეტის და ბრემენის უნივერსიტეტის მიერ, გერმანიის საგარეო საქმეთა სამინისტროს დაფინანსებით პროექტ „საქართველო 2020 - სამოქალაქო საზოგადოების ჩართულობის გაძლიერების“ ფარგლებში.

15 და 16 დეკემბერს უკვე ჩატარდა ორი ლექცია, თემებით: ტრანსფორმაციის 25 წელი - ძირითადი დებატები და პოლანის თეორია. პოლანის თვალით დანახული აღმოსავლეთ ევროპა.

ლექციებს ესწრებოდნენ სხვადასხვა უნივერსიტეტის სტუდენტები, რომელთაც კურსის ბოლოს გადაეცემათ სერტიფიკატები.